قصيدة الشعب - أسواق عسير- سوق عسير - أسواق منطقة عسير - أسواق تصنع الفرق
  التسجيل   تعليمات   التقويم   اجعل كافة الأقسام مقروءة

عدد مرات النقر : 656
عدد  مرات الظهور : 8,748,569


أرشيف المواضيع يهتم بكل المواضيع التي لا تهم السوق

إضافة رد
 
أدوات الموضوع
افتراضي  قصيدة الشعب
كُتبَ بتاريخ: [ 02-15-2008 - 17:26 ]
رقم المشاركة : ( 1 )
 
| الزرعي  
عضو بدأ يشارك
الزرعي غير متواجد حالياً
 
رقم العضوية : 7508
تاريخ التسجيل : 02 2008
مكان الإقامة :
عدد المشاركات : 24
عدد النقاط : 10
قوة التقييم : الزرعي is on a distinguished road



:
:انقلها لكم .....
رائعة من روائع الشاعر بدر الضبعان
:
:
:
كتبت .. عن كل شي . ولكن ذاك كله لاينسيني هم ابناء وطني وهم الشعب مايحزنهم يحزنني ، ومايفرحهم يفرحني وان أرادوا البوح ، فسيكون شعري هو بوحهم . قرأت في أعينهم الكثير : عن غلا الأسعار عن الوظايف والبطاله عن صعوبات المعيشة .....
الفقر هم الكثير وحطـّم احلام ٍ دفينه
والبشر صارت تسولف بالوظايف والبطاله
ذاك جاب الثانويـّه ثم توظـّف في كبينه
وذاك حتى هالكبينه مالقاه وصار عاله
وذاك همـّه بيتزوج ثم يكمـّل نصف دينه
وذاك همـّه كيف يلقى لقمة ٍ تشبع عياله
وذاك همـّه بالديون ومن يسدد داينينه
وذاك همـّه وسط الأسهم يوم تاكل راس ماله
وذاك همـّه بنته اللي مدرستها طالبينه
من كراريس وبلاوي الله أعلم كيف حاله
وذاك شايب بالمساجد يشتكي ضيقة سنينه
صارع امرار الحياه ولالقى منهو شكاله
المصيبه صارت أكبر والبطانه دافنينه
وحنا في حكم (السعود) اللي يقيمون العداله
البطانه في غناة ولايذوقون الغبينه
كل واحد في نعيمه عايش وسالي وداله
همهم ان البنات تسوق وتدوج المدينه
او يبون ان السعودي يشتغل شغل العماله
ثبتوا كرسيهم اللي كيف مدري واصلينه
ناس عاشت في نعيم وناس ماتلقى رياله
ومجلس الشورى ابسأل عن هموم الشعب وينه
الهموم كثار لكن شعبنا هاذا سؤاله
صارت الأسعار نار وكل شي ٍ دابلينه
والمرتـّب وش يكفـّي والموظـّف وش بقاله
كل شي ٍ صار غالي بالحياه وتاركينه
والهوامير ابلشوا حتى الضعيـّف في حلاله
والله انه لو تضيق المملكه جينا نعينه
نغليه ونموت فيها من جنوبه لي شماله
الوطن لامن بغانا نلعن ام اللي يهينه
لازعلنا ينقلب كل الزعل فينا خباله
من قبل لايطلع البترول فيها / عاشقينه
عشقنا بالدم ساكن بالخلايا لا محاله
عشقنا عشق الجدود اللي بقينا وارثينه
عشقنا للمملكه ماهو بحاجة للدلاله
في ذرى صقر العروبه شالنا في راحتينه
والله ان الشعب كلـّه فدوه لميلة عقاله
واهني منهو يجيه اليوم ويقبـّل يدينه
والله ان اكبر فخر للشخص لاشافه وجاله
ذاك أبو متعب فديته من شماله لي يمينه
عزوة الشعب السعودي كلـّنا جينا فداله
والله انـّا نفتخر به يرحم الله والدينه
نفتخر فخر البناخي ان تفاخر في خواله
والقصيده قلتها من حاجه أنتم عارفينه
شاعرن جاب الحقيقه مانسجها من خياله
يكتب اللي شافت عيونه وطنـّش لايـمينه
ماعليه من السفيه وماعليه من الحثاله
وهالقصيده عن هموم الناس وأحلام ٍ دفينه
بالمعيشه / والمرتـّب / والوظايف / والبطاله

رد مع اقتباس
كُتبَ بتاريخ : [ 02-24-2008 - 02:53 ]
 
 رقم المشاركة : ( 2 )
| بنت زهران  
أنثى إستثنائية
رقم العضوية : 2747
تاريخ التسجيل : 09 2005
مكان الإقامة : في عالم الغموض.
عدد المشاركات : 4,388
عدد النقاط : 20

بنت زهران غير متواجد حالياً



يسلّمكـ ربي على الاختيــار الحلوو

لا عدمتكـ !

رد مع اقتباس
كُتبَ بتاريخ : [ 02-27-2008 - 00:52 ]
 
 رقم المشاركة : ( 3 )
| الزرعي  
عضو بدأ يشارك
رقم العضوية : 7508
تاريخ التسجيل : 02 2008
مكان الإقامة :
عدد المشاركات : 24
عدد النقاط : 10

الزرعي غير متواجد حالياً



بنت زهران

يعطيك العافيه على مرورك المشرف للموضوع

اخوك ولدزهران00الزرعي

رد مع اقتباس
إضافة رد

مواقع النشر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


لا اله الا الله وحده لا شريك له له الملك وله الحمد يحيى ويميت وهو حي لا يموت بيده الخير وهو على كل شيء قدير