][ عميــدنــا في ضيافاتنــــا ][ - أسواق عسير- سوق عسير - أسواق منطقة عسير - أسواق تصنع الفرق
  التسجيل   تعليمات   التقويم   اجعل كافة الأقسام مقروءة

عدد مرات النقر : 512
عدد  مرات الظهور : 6,435,359


أرشيف المواضيع يهتم بكل المواضيع التي لا تهم السوق

إضافة رد
 
أدوات الموضوع
 ][ عميــدنــا في ضيافاتنــــا ][
كُتبَ بتاريخ: [ 05-31-2012 - 03:53 ]
رقم المشاركة : ( 1 )
 
| زَهْرَةُ الليمُونْ  
عضو مبدع
زَهْرَةُ الليمُونْ غير متواجد حالياً
 
رقم العضوية : 4610
تاريخ التسجيل : 02 2007
مكان الإقامة :
عدد المشاركات : 20,553
عدد النقاط : 90
قوة التقييم : زَهْرَةُ الليمُونْ will become famous soon enough


السلام عليكم ورحمة الله وبركاته

ضيفنـا الـ16 العضو الفلتـة / نادر الوجود :dance:

ماشاء الله له شعبية كبيرة وسوالفه لاتُمل
و الفااانز ملاحقينه من موضوع للثاني يتابعون أخباره !!

حبيت اريحكـم - صدته وجبته هنـا :tongue:
الوقت مفتوح / لكن لازم تعرفون ان الرجال وراه بعثة فلا تتأخرون
اخاف يطير : )


المـوضوع مفتـوح للكـل حققوا وخذوا راحتـكم
و يحـق لعميـدنـا تجـاوز أي سـؤال مايعجبه

الدعوه دردشه و وناسه
الزعل مرفوووووض

بالتوفيق :SMART:

رد مع اقتباس
كُتبَ بتاريخ : [ 05-31-2012 - 04:03 ]
 
 رقم المشاركة : ( 2 )
| نادر الوجود  
عضو مبدع
رقم العضوية : 495
تاريخ التسجيل : 12 2002
مكان الإقامة : الشرقيه
عدد المشاركات : 8,572
عدد النقاط : 54

نادر الوجود غير متواجد حالياً



اسعد الله صباحك يا ليمونه

وبالانقليزي قود مورننق

استضفتيني فزادك الله شرفا وقدرا على هذه المقدمه اللطيفه


الفلته :)
ذكرتيني ببشير غنيم ابو عراقيب

ع العموم انا مسنتر هنا .... في راسي حب ما ينطحن

فيه ناس بتجي تتشمت ادري بهم ....واقول لهم هين هين يالضبان


بس عن اذنك اروح اتجهز واحلق واجيب البشت والمسبحه وحركات المشايخ وكبار الشخصيات


اكرر شكري لك

والله يخارجنا ع بصيره

رد مع اقتباس
كُتبَ بتاريخ : [ 05-31-2012 - 04:15 ]
 
 رقم المشاركة : ( 3 )
| زَهْرَةُ الليمُونْ  
عضو مبدع
رقم العضوية : 4610
تاريخ التسجيل : 02 2007
مكان الإقامة :
عدد المشاركات : 20,553
عدد النقاط : 90

زَهْرَةُ الليمُونْ غير متواجد حالياً



وصباحك سعيد أخوي بندر

ماقلت لنا وش اسمك ؟ :tongue:

مكان الميلاد ؟

المهنة ؟

ايييييه صح وش تشرب ؟


*

وعلمنـا /

وش رايك في نادر الوجود كـعضو ؟

وش رايك في المنتدى من 2007 - 2012 بشرح مبسط ؟


آمم < هذه ماهي أسئلة لكـن أبغى اشغلك شوي وأحسسك انك ضيف مهم
وإن شاء الله لي رجعة - بس بأعطي غيري فرصة : )

رد مع اقتباس
كُتبَ بتاريخ : [ 05-31-2012 - 04:43 ]
 
 رقم المشاركة : ( 4 )
| نادر الوجود  
عضو مبدع
رقم العضوية : 495
تاريخ التسجيل : 12 2002
مكان الإقامة : الشرقيه
عدد المشاركات : 8,572
عدد النقاط : 54

نادر الوجود غير متواجد حالياً



اقتباس:
المشاركة الأصلية كتبت بواسطة زَهْرَةُ الليمُونْ
وصباحك سعيد أخوي بندر


هلا والله صبحك الله بالرضا والنعيم يا خووووي

الله مسرعش سألتي ما قد حلقت ولا تزينت

طيب بجاوب بس لا تشغلين الكاميرا
ولا حطي على وجهي تضليل >>>>>>> اشدعوه مطلوب امني

ماقلت لنا وش اسمك ؟ :tongue:

سؤال وجيه :)
الاسم بندر ويدلعوني بنطر واذا احد زعل مني يقول بنيدر

واذا جالي ولد سميته شاه ^____^

علشان يصير شاه بندر التجار

حلووو
بس مقروعين لاحد يقول يابو شاه :)

مكان الميلاد ؟

مكان الميلاد :احد رفيده .... اطلق مكان واطلق مستشفى

حرام بالله اني مولود في الشعف في بيت طين لا مستشفى ولا هم يحزنون

مش حالك يعين

المهنة ؟

مشرف(سوبرفايزر) --قسم التشغل --ارامكوا --في الشرقيه --160 كلم من الخبر

ايييييه صح وش تشرب ؟

ممممممممم فيه لقيمات ؟
حلى شي
كيك

الطاوله فاضيه !
صراحه احب اشرب ليمون ماهوب علشانك ليمونه لا لان الليمون يمشق الحلق

لا جد بارد = حليب بالموز او حليب بوني يا سلااام

شراب حار =شاهي منعنع ولا بالحبق ولا بالوزاب مثل اللي يسويه ابو رائد فديت قلبه


*

وعلمنـا /

وش رايك في نادر الوجود كـعضو ؟

والله بالنسبه لنادر الوجود شخصيه نادره ع اسمه يعني بس احيان ما يصير نادر يصير موجود ومتوفر لكن للاسف الضروف والله تمنعه احيانا(وبقسوه) من المشاركه والتواجد

اعتبره عضو مقصر جدا في حق المنتدى من جد بس لاسباب شخصيه وعاميه واجتماعيه وثقافيه .... الخ


وش رايك في المنتدى من 2007 - 2012 بشرح مبسط ؟

المنتدى تقنيا ما عليه اخلاف....فيه ناس ما شاء الله تدعم المنتدى ومستعده تعطي وتطور من عام 2007 الى الان .....وهالشي محد ينكره ... مع ان لي بعض التحفظات على بعض الاقسام لكن لازالت في اطار التطوير والرقي


تنظيميا مممممم يعني مش ولا بد...

والاعضاء نصفين ....
نصف السنه تسعة اشهر والنصف الاخر ثلاثه
الله يخارج ويستر من كيدكم يا ثلاثه



المواضيع جيده جدا الى ممتازه وهالشي بالطبع يرجع لعطاء الاعضاء



آمم < هذه ماهي أسئلة لكـن أبغى اشغلك شوي وأحسسك انك ضيف مهم

وإن شاء الله لي رجعة - بس بأعطي غيري فرصة : )


من جدك؟

لا بالله حسيت ... حسيت نفسي في قاعة اختبارات


طيب
اعطي سداح فرصه

ولمن يجي سداح بروح انسدح
سلام عليكم

رد مع اقتباس
كُتبَ بتاريخ : [ 05-31-2012 - 08:01 ]
 
 رقم المشاركة : ( 5 )
| ✿.Aβëëя◦•  
•‿•
رقم العضوية : 8528
تاريخ التسجيل : 03 2009
مكان الإقامة : في بيت زٍوٍجي ~
عدد المشاركات : 3,991
عدد النقاط : 70

✿.Aβëëя◦• غير متواجد حالياً



..

وعليكم آلسلآم ورحمة الله

يعطيك العافيه ليمونه .. خير مانقيتي وجبتي
:tongue:


ماشاء الله تبارك الله أخونا بندر شخصيه تستحق إنها تسمى بـ ( نـآدر آلوجـود )

إذا غاب أفتقدناه .. وإذا حضر جذبنا بحضوره وإحترافيه ردوده .!



وأنا أقرا بدايه الموضوع وإلإجآبآت ألسآبقه.. جاء ببآلي كم سؤال/


_ موقعك من زمن آلطفره .. قبل وإلا بعد .؟؟

_ مـآهو مـؤهلك آلـعلمي .. ومـجآل إبتـعآثك .. ووجهته .؟؟

_ أعلى منصب تحلم فيه وتحس أنك قـآدر أنك توصل له ( تخطط له يعني )

_ الذكـآء اللي فيك .. ورآثـه ووإلا طبع متفرد فيه .. أو مكتـسب بسبب وجودك بهذا الـمنتدى
:cool:

_ أبـو رائـد >> ( ................................ ) المسـآحه الفـارغه لك .!!

_ سؤال أخير / هل المراءه بنظرك شي مكمل للرجل .. أو هي آلعظيمه التي تقف خلفه ..

أو كيان له إستقلاليته وحريته وفرصته المتساويه مع الرجل بكل شي في الحيآة .؟!!!



وبـإذن الله لي عـودة ~

_

رد مع اقتباس
كُتبَ بتاريخ : [ 05-31-2012 - 12:57 ]
 
 رقم المشاركة : ( 6 )
| نادر الوجود  
عضو مبدع
رقم العضوية : 495
تاريخ التسجيل : 12 2002
مكان الإقامة : الشرقيه
عدد المشاركات : 8,572
عدد النقاط : 54

نادر الوجود غير متواجد حالياً



اقتباس:
المشاركة الأصلية كتبت بواسطة ✿.Aβëëя◦•
..

وعليكم آلسلآم ورحمة الله

يعطيك العافيه ليمونه .. خير مانقيتي وجبتي
:tongue:

الخير بوجهك ...وانا ما وافقت الا حشمة لكم وتقديرا لجهودكم
وما يرد الكريم الا اللئيم


ماشاء الله تبارك الله أخونا بندر شخصيه تستحق إنها تسمى بـ ( نـآدر آلوجـود )

إذا غاب أفتقدناه .. وإذا حضر جذبنا بحضوره وإحترافيه ردوده .!


بارك الله فيك

وأنا أقرا بدايه الموضوع وإلإجآبآت ألسآبقه.. جاء ببآلي كم سؤال/


_ موقعك من زمن آلطفره .. قبل وإلا بعد .؟؟

بعد الطفره طبعا بس بصراحه ما حسيت ان فيه فرق يعني مع الطفره طلعت مشاكل من نوع اخر واكبت الطفره ... والى اليوم ونحن نعاني


_ مـآهو مـؤهلك آلـعلمي .. ومـجآل إبتـعآثك .. ووجهته .؟؟

المؤهل العلمي دبلوم صناعي في مجال تخصصي (operation)
مع العديد من الدورات اللي استمرت على مدى العشر سنوات الماضيه بالاضافه الى دورات في ا لغه وفي الاسعافات الاوليه والسلامه و اشياء اخرى لا تحضرني الان

مجال الابتعاث تحت قسم التدريب والتطوير

و الوجهه قبرص ان شاء الله :+k41+:

_ أعلى منصب تحلم فيه وتحس أنك قـآدر أنك توصل له ( تخطط له يعني )
الحقيقه انا اعترف اني شخص محظوظ فيه ظروف ساعدتني ولكن ظليمة النفس ماهيب زينه انا كافحت في بداياتي وحطيت يدي على اللي ابي ....الطموح ماله حدود والاماني مالها مدى ولكن قبل ايام استلمت جائزه من مدير الاداره في حفل تكريمي وهمس لي بمنصب ما احلم فيه

الى الان وانا اصدق واكذب ان شاء الله نسمع خبر خير
بس بعض العرب لو يدري يبي يحتك من اللحين ويضبط علاقات هاااااااااااه يابو احمد؟؟؟؟؟



_ الذكـآء اللي فيك .. ورآثـه ووإلا طبع متفرد فيه .. أو مكتـسب بسبب وجودك بهذا الـمنتدى
:cool:

من قال اني ذكي؟
:)

الله يسمع منك ... بس علشان امشي السؤال يقولون اني اشبهت خالي
حتى في المشي
عاد خالي ذكي

ويسمونه بقعاء المنزله هههههههههههههههههه

ع عيني وراسي خالو

_ أبـو رائـد >> ( ................................ ) المسـآحه الفـارغه لك .!!

ابو رائد وما ادراك ما ابو رائد

الحقيقه الاخ محمد من يوم دخل المنتدى وهو ناشب لي هنا في حلقي :)

ان قلت اخ
وان قلت صديق
وان قلت عزيز
وان قلت رفيق
وان قلت ابن عم
وان قلت من الديره
وان قلت جنوبي
وان قلت رجال
وان قلت مطلق
وان قلت وافي
وان قلت محترم
وان قلت كفو
وان قلت ينومس


لو اقول اللي اقول ... ابو رائد غير

والله ان شهادتي فيه مجروحه هذا الرجل

كبير بعد الله يابو رائد

بس احيانا ودي احش رجوله واحيانا ودي اعضه ...:)

يعتمد ع النفسيه

_ سؤال أخير / هل المراءه بنظرك شي مكمل للرجل .. أو هي آلعظيمه التي تقف خلفه ..

أو كيان له إستقلاليته وحريته وفرصته المتساويه مع الرجل بكل شي في الحيآة .؟!!!

اهااا جينا عند الاسئله الورديه ...

من وجهه نظري اولا ما احب اطلق عليها مراءه !
احس اللقب هذا يخص فئه معينه دون فئه اخرىلكن جرت العاده عليه وصرنا متعودين على اللقب هذا

عموما الانثى او المراءه بشكل عام هي شقيقة الرجل ومكمل له

الرجل لوحده ناقص
والانثى ناقصه

...هذي حقيقه وملموسه مهما قالوا في الامثال ومهما تغنوا بالقصايد و الحكم ومهما رددوا على مسامعنا في المقالات والبرامج التلفزيونيه والمنتديات

كلا من الرجل والمراءه مكلان لبعضهما البعض

كل واحد ينظر في نفسه يشوف من وين جاء؟ هذا اكبر دليل

اما مسأله المرأه العظيمه اللي تقف خلف الرجل فهذا جزء من الشراكه بين الجنسين ومن حق الرجل ان تقف المراءه موقفا يدعمه
وهذا هو المتوقع و المطلوب واللي يحث عليه الدين والعرف واجماع عقلاء البشر

اما الاستقلاليه فما اتوقع بتكون مفتاح خير لا على المراءه ولا على الرجل

انفصال الجنسين بالطريقه هذي سوف تجرنا الى بحر من الندم والفوضى

وكلكم ترون وتسمعون وتشاهدون وتقرأون

يقول احد المستشرقين كأس خمر وغانيه (مرأه راقصه) يفعلون بالامه ما لا يفعله الف مدفع

شوفوا قوة المرأه الى اي مدى!!!

نعم .. الانثى قويه جدا وفتاكه .. لكن. متى؟؟؟؟؟

عندما تتحرر وتخرج بلاحدود شرعيه وبلا ضوابط اسلاميه

مثلها مثل الرجل الرجل له حدود اسلاميه وله ضوابط شرعيه ما يتعداها ابدا

حتى في مسأله الحجاب ...الرجل عليه غض البصر

الاختلاط

و و و و الخ من الامثله

الزبده :

الاثنين مكملين لبعض حتى لو ما قيل هذا الكلام يروحون بعيد ويرجعون لبعض لكن نتائج هذا التباعد و الاستقلاليه تظهر اجيال منحله ومختلطه وهذا يتناقظ مع المجتمع الطاهر العفيف النظيف.
وبـإذن الله لي عـودة ~


جيبي معاك قربة ماء

سؤالك الاخير جاب فيني العيد:)

ولا تعودينها

_

رد مع اقتباس
كُتبَ بتاريخ : [ 06-02-2012 - 17:41 ]
 
 رقم المشاركة : ( 7 )
| أبو رائــــد  
عضو مبدع
رقم العضوية : 999
تاريخ التسجيل : 03 2003
مكان الإقامة : الريـــــــاض
عدد المشاركات : 7,644
عدد النقاط : 261

أبو رائــــد غير متواجد حالياً



يامال العافية يا ليمونه هااااااانم
واختيارك كان نقووووة تشكرين عليه :)


المهم ان عبير الله يهديها كبرت راسك يوم قالت انك ذكي !!!
تراها اشاعة ولاتصدق عمرك ...
>>>>> ماعاد بيحاكينا


طبعا ما انسى ان اشكرك على ماقلته فيه
لكن خربتها بالعض ...
وابشر والله بالعضة اللي بتصير مارية فيك
مشيك على الاسنان قبل فترة وما عليه خلاف
وبهبها في الجبهة عشان مايمديك تغطيها :)


لي عودة يالحبيب وطبعا بخليها من فوق السلوك ههههه



((عسى ماينحذف قدهي ثالث مرة ))

.

رد مع اقتباس
كُتبَ بتاريخ : [ 06-03-2012 - 03:09 ]
 
 رقم المشاركة : ( 8 )
| نادر الوجود  
عضو مبدع
رقم العضوية : 495
تاريخ التسجيل : 12 2002
مكان الإقامة : الشرقيه
عدد المشاركات : 8,572
عدد النقاط : 54

نادر الوجود غير متواجد حالياً



ههههههههههههههههههههههههه


وانا قد رديت 3 مرات

تعبت وانا اعيد نفس الكلام :)

عيا لا يلبق


لكن باختصر ذا المره واقول يابو رائد

من ذكائي الشديد اعترف بالغباء في بعض المرارير

لكن انت تحسب ان يوم انت مدرس انك ذكي ؟؟؟؟؟ اعلم ولا اصكت:)

وبالنسبه للعض

وفر العض للمناسبات .... ترى الزواجات ع الابواب

اشكرك ثالث ابتدائي اقصد ثالث مره

رد مع اقتباس
كُتبَ بتاريخ : [ 06-05-2012 - 11:44 ]
 
 رقم المشاركة : ( 9 )
| ✿.Aβëëя◦•  
•‿•
رقم العضوية : 8528
تاريخ التسجيل : 03 2009
مكان الإقامة : في بيت زٍوٍجي ~
عدد المشاركات : 3,991
عدد النقاط : 70

✿.Aβëëя◦• غير متواجد حالياً



...

بــــ bak ـــآك

وهالمـره خفـآيف بـإذن الله



سين سؤال/

ماذا يعني لك .. الحاشي .؟؟

أكله شعبيه ماتمل منها .؟؟

نوع سيارتك .؟؟

جوآلك .؟؟

أجمل السنوات اللي مرت عليك .؟؟

هوايه أو / إهتمام غريب / ماتستغني عنه .؟؟

......

كيف تعرفت على المنتدى ووصلت له .؟؟

ما هو اقتراحك الذي تتمنى ان يحدث في المنتدى ولم يحدث الى الان .؟؟


السؤال الاخير/

هل تلاحظ ان فيه وجه شبه بين منتدانا وبين نادي النصر .؟؟


وخلاص .. ~ << بــرى

رد مع اقتباس
كُتبَ بتاريخ : [ 06-05-2012 - 14:41 ]
 
 رقم المشاركة : ( 10 )
| زَهْرَةُ الليمُونْ  
عضو مبدع
رقم العضوية : 4610
تاريخ التسجيل : 02 2007
مكان الإقامة :
عدد المشاركات : 20,553
عدد النقاط : 90

زَهْرَةُ الليمُونْ غير متواجد حالياً






تفضل هذه كاسة شاهي وزاب ياجدّ بندر .. عسى يعجبك بس =)


اسأل الله أن ييسر لك بعثتك ويوفقك فيها وترجع بالسلامة
وتعرس ويجيك قحاطين كثير عيال و أحفاد إن شاء الله :8:

* ماشاء الله مزايّاك كثير ,اشوف الحبايب حولك كثير
وأكيد حواليك عذال كثرهم اذا مو أكثر .. صح !؟
و طبعاً فيهم من يكرهك بسبب عيوبك .. ومن يكرهك بسبب مزاياك
السؤال / هل كُره بندر بسبب مزاياه ؟ و اش هي الميزه ؟ :119:


* نعمـة وهبك الله إياها .. تخاف من ذكرها وتخشى زوالها ؟ ( قلنـا إحنا بس ^ــ^)


* لو جاك اتصال من رقم مجهول ورديت طلع واحد نشبه انت كارشه ماترد على اتصالاته اصلاً .. وش موقفك !؟
تنحرج من نفسك ؟ ولا تستقوي وتخربها معاه ؟


* كلنـا كأعضاء هنـا شايفين وملاحظين أنك أنت و أبورائد مندمجييييييين كثيررررر " الله لايفرقكم ويديم اخوتكم لوجه " _ يمكن شخصياتكم اتفقت ويمكن ويمكن .. لكن السؤال / لو انه من منطقة غير منطقتك تعتقد العلاقة بتكون نفس ماهي ؟ < لاتقول ماللعنصرية مجال ;)



* وش رايك :
1-ببرامج الاعلام الجديد " اليو تيوب " زي / ايش اللي + ع الطاير + الفئة الفالة + اباليسو ... الخ ومقدميها ؟!

* اوصف علاقتك بـ :
1-أهلك " الوالد + الوالدة + أخوانك + أخواتك " ؟
2-الشيعة " بحكم انك من سكان الشرقية - جيران يعني "؟
3-الاجهزة الذكية ؟ < وش أكثر جهاز يعجبك ؟ واش تملك منها ؟
4-المطبخ ؟
5-النوم ؟
6-الرياضة " الكورة " ؟
7-التلفزيون ؟
8-الانترنت ؟
9- الشعر ؟
10- الحُب ؟





( عاد أنا خلاص أجزت _ بأيبس أصابعك بأسئلة كلهـا لقااافة _ بس نحلل جلستك هنا _ ولو ما أنت أخ عزيز وغالي ماجلسناك أصلاً ^ــ^)

رد مع اقتباس
إضافة رد

مواقع النشر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


لا اله الا الله وحده لا شريك له له الملك وله الحمد يحيى ويميت وهو حي لا يموت بيده الخير وهو على كل شيء قدير